Analisti Baton Haxhiu vijon ta konsiderojë të “neveritshme” dhe jashtë kontekstit kohor protestën qytetare kundër rritjes së çmimeve.
Haxhiu iu përmbajt tezës se protesta si koncept është civilizim, por protestuesit duhet të kenë argumente dhe arsyetime kundër qeverisë.
“Shqiptarët nuk mund të protestojnë në kohën kur në Ukrainë bëhet luftë, mendim ky që e ka shprehur edhe kryeministri Rama. E dini ju që kjo protestë mund të përkthehet nga rusët si një mbështetje për to”, tha Haxhiu.
Madje, analisti që shfaqet si mbështetës i Edi Ramës, sugjeron që shqiptarët të durojnë, pasi tani është momenti për t’u solidarizuar me Ukrainën.
Haxhiu cilësoi “të neveritshëm dhe cinik” edhe qëndrimin e ministres së Infrastrukturës Belinda Balluku, e cila u është drejtuar qytetarëve pas rritjes së çmimit të naftës duke u thënë “mos shkoni me makina për të blerë cigare”.
Gjithashtu ai tha se i paprështatshëm është edhe qëndrimi i ministres së Bujqësisë që propozon në mars të mbillet grurë, apo ministres tjetër të Qeverisë Rama, e cila thotë se makinën e ka për të shkuar në punë.
