Ministrja e Financave, Delina Ibrahimaj këshilloi qytetarët këtë Mërkurë të kursejnë, pasi siç u shpreh ajo, jemi në krizë.
Në një takim me përfaqësues të biznesit të vogël në Durrës, ku prezent ishte kryeministri Edi Rama si dhe kry bashkiakja e qytetit bregdetar Emirjana Sako, Ibrahimaj po ashtu u bëri apel qytetarëve që të tregohen solidarë.
“Të gjithë duhet të kursejmë pak, duhet të tregohemi socialë, të ndihmojmë ata që kanë më shumë nevojë”, tha Ibrahimaj.
Thirrje të tilla kanë bërë më parë edhe zyrtarë të tjerë të lartë. Ministrja e Infrastrukturës, Belinda Balluku këshilloi qytetarët që të përdornin makinën më pak. “Mos shkoni të blini bukë me makinë”, tha Balluku pas rritjes së çmimit të naftës.
Ndërsa kryebashkiaku i Tiranës, Erion Veliaj deklaroi një ditë më parë: “Kush ka mundësi të shkoj te Maluma të shikojë dhe fqinjin e vetë. Nëse presim vetëm nga shteti s’kemi kuptuar thelbin e krizës ku jemi”.
