Ministrja e Ekonomisë dhe Inovacionit, Delina Ibrahimaj, në interpelancën e thirrur nga deputetët, Agron Shehaj dhe Erald Kapri, u përgjigj për projektin “Durana Tech Park”.
Në fjalën e saj, Ibrahimaj e paraqiti projektin si një nismë për zhvillimin ekonomik dhe për krijimin e start-up-eve teknologjike, duke mohuar akuzat për parajsë fiskale ose favorizim të biznesmenëve të caktuar.
“Një projekt që javët e fundit ka marrë baltë, llum, por e vërteta për të nuk është folur dot sepse mediat janë mbytur me llumin që rivjen, i cili s’i hyn në detaj analizën dhe merr cdo gjë mundet për të hedhur tym mbi vizionet e qeverisë. Ky është një projekt që prek zhvillimin ekonomik dhe kjo është arsyeja pse interpelancën po e bëj unë dhe jo ministri i Financave. Ka një komponent të politikës fiskale, por në masë është projekt i zhvillimit ekonomik.
Çdo përdorues që hyn në Durana përfiton nga lehtësirat fiskale dhe nuk janë aty për evazion. Lehtësirat fiskale përdoren gjerësisht nga qeveritë për nxitjen e sektorit prioritar. Teknologjia, inovacioni. Subjektet që marrin status përdorues, kur bëjnë shkelje,e humbinn këtë status. Subjektet i nënshtrohen legjislaiconit shqiptar. Nuk jemi në kushtet e parajsës fiskale”¸tha ajo duke përmbyllur se “shteti ka fituar, nuk ka humbur”.
Megjithatë, investigimet tregojnë një panoramë tjetër, Durana Tech Park nuk ka filluar të ndërtohet fizikisht, por tenderi për furnizimin me energji elektrike, i planifikuar nga Drejtoria Rajonale e Sistemit të Shpërndarjes Tiranë, u hap në shtator 2025 dhe u fitua në tetor, megjithëse nuk ekziston asnjë strukturë fizike.
Gjithashtu është raportuar se një pjesë e konsiderueshme e bizneseve që u regjistruan në park janë kompani të njohura ose persona që janë nën hetim nga SPAK për çështje tenderash dhe evazion fiskal. Për shembull, Ergys Agasi, Ermal Beqiri, Gëzim Hoxha dhe Andis Papa.
LEXO EDHE:
