Një mësuese në Shkodër, ka humbur jetën teksa jepte mësim. Gjatë paradites së sotme në Urgjencën e Spitalit Shkodër, ka shkuar e vdekur 50- vjeçarja A.K., banuese në Shkodër, me profesion mësuese fiskulture në shkollën e mesme “Ismail Qemali”.
Gjithçka ka ndodhur teksa mësuesja ka qenë duke zhvilluar orën e mësimit. Nga verifikimet paraprake të ekspertizës policore dhe nga të dhënat e marra prej mjekëve rezulton se mësuesja A.K., ka pësuar infarkt dhe ka gjetur vdekjen.
Lidhur me rrethanat e kësaj ngjarje vijojnë ende hetimet, ndërsa po merren dëshmitë e nxënësve.
