Ministri i Jashtëm rus Sergey Lavrov të martën deklaroi sanksione ndaj Presidentit amerikan Joe Biden, Sekretarit të Shtetit Antony Blinken dhe një sërë zyrtarësh të lartë amerikanë.
Në kohen kur u publikua njoftimi rus, Uashingtoni po zbulonte sanksione të reja ndaj Presidentit Alexander Lukashenko, aleatit të Moskës në Bjellorusi, dhe 11 zyrtarëve kryesorë të mbrojtjes ruse.
Lëvizja ruse ndalon në mënyrë efektive Biden dhe 12 figura të tjera amerikane – duke përfshirë Kryetarin e Shefave të Shtabit të Përbashkët Gjeneral Mark Milley, Sekretarin e Mbrojtjes Lloyd Austin, drejtorin e CIA-s Bill Burns – të hyjnë në Rusi.
Daleep Singh, një ekonomist në Këshillin e Sigurisë Kombëtare, i cili shihet si arkitekti i sanksioneve ndaj Rusisë, eshte gjithashtu pjese e listës.
Ajo përfshin figura të profilit të lartë si sekretarja e shtypit e Shtëpisë së Bardhë, Jen Psaki , si dhe djali i presidentit, Hunter.
Në një deklaratë, Ministria e Punëve të Jashtme ruse tha se po vepronte ‘në përgjigje të një sërë sanksionesh të paprecedentë’ dhe po vendoste masat e veta ‘në bazë të reciprocitetit’.
Sanksionet vijnë pas javësh presioni në rritje ndaj Moskës, ndërsa SHBA dhe aleatët përpiqen të izolojnë Rusinë dhe miqtë e Putinit pas nderhyrjes ushtarake ne Ukraine e cila deri tani ka prodhuar shume viktima civile, perfshire edhe femije te pafajshem.
