Pas humbjes me Tiranën vjen dhe vendimi i papritur nga Vllaznia. Thomas Brdariç nuk është më trajneri i Vllaznisë duke mbyllur kështu aventurën pothuajse 2-vjeçare me trajnerin gjerman me origjinë nga Kroacia.
Në fakt, pas humbjes ishte Brdariç që reagoi keq kur gazetarët e pyetën nëse i frikësohet shkarkimit dhe ai i nervozuar braktisi konferencën duke e konsideruar fyese atë pyetje pasi një humbje me Tiranën qëndron sipas mendimit të tij. Por ja që për presidentin Xhaferri nuk mjafton të luftohet për vendin e katërt dhe sot erdhi dhe vendimi zyrtar për largimin e Brdariç.
Mbyllet kështu një aventurë e gjatë me një trofe të fituar, atë të Kupës së Shqipërisë teksa trajneri zbarkoi më 7 gusht 2020 në Shqipëri dhe sot duhet të largohet sërish.
