Interi është ndalur në një barazim 1-1 në fushën e Torinos dhe tashmë e sheh veten 4 pikë pas Milanit kryesues. Rezultat i cili erdhi edhe falë pritjeve të njëpasnjëshme të Etrit Berishës, i cili mori në fund të sfidës edhe vlerësimet e kundërshtarëve, duke filluar nga kapiteni i zikaltërve, Samir Handanoviç.
“E dinim që do të ishte e vështirë këtu dhe u përshtatëm, në disa raste u tregua i aftë Berisha, në të tejra ishim ne që gabuam. Edhe ne kishim rastet tona. U munduam të fitonim deri në fund por nuk ia dolëm.
Kampionati? Është i hapur dhe do të jetë kështu deri në javën e fundit. Kemi një javë kohë për duelin me Fiorentinën dhe është më mirë se të kesh 2-3 ditë. Na mbeten 10 ndeshje dhe duhet të mundohemi t’i fitojmë të gjitha”, tha portieri Interit pas duelit.
