Një protestë masive u zhvillua para kryeministrisë këtë të Shtunë. Për të katërtën ditë radhazi qytetarët protestuan në Tiranë, kundër rritjes së çmimeve.
Në shesh ksihte njerëz të çfarëdo moshe, të cilët shpjeguan dhe arsyet se pse kanë dalë në këtë protestë, që deri më tani ka qenë paqësore, dhe ka vënë në lëvizje shumë qytetarë.
“Protestojmë për gjendjen ku e ka lënë qeveria këtë vend, në dorë të spekulanteve, qeveria ka dhënë të gjitha pasuritë në dorë të spektukantëve. Çfarë ka lidhje kriza e energjisë, kur ne kemi jemi vend prodhues energjie, çfarë lidhje ka kriza e drithërave, kur ne kemi qenë vend që plotësonim të gjitha kërkesat tona. Ai kryeministër që ka shkatërruar rafinerinë e naftës, duhet varur, pse nuk zbatohen vendimet për rezervat? Çfarë kuptimi ka rezerva, nëse ti thua në rastin më të parë, që i ke rritur çmimet, se ka pasur rritje në bursë. Ra kjo luftë dhe u pamë”, u shpreh një prej qytetarëve.
Ndërkohë që një tjetër i moshuar mes lotëve, tha se nëse nuk do të ishin fëmijët në emigracion, ata nuk do të kishin mundësi që të jetonin.
“Mos të kemi fëmijët nuk jetojmë, iu biem më qafë fëmijëve për ushqim, nuk mund të flas më, më falni”, tha i moshuari.
“Boll na vodhët”, shkruhet në një nga pankartat që mbanin protestuesit, të cilët thërrisnin “Litoni vëllezërit tanë”. “Hiqni kapet, bashokohuni me ne”, ishte një tjetër thirrje drejtuar policisë.
Gjatë protestës, figura publike dhe qytetarë folën për mikrofonin e protestës duke kërkuar ulje të çmimeve dhe shprehur pakënaqësi drejt qeverisë.
Protesta te kryeministria zgjati rreth 1 orë e 30 minuta dhe më pas protestuesit u zhvendosën nga sheshi para kryeministrisë, duke lajmërar se do të mblidhen aty në orën 11:00, edhe ditën e nesërme.
