Kryeministri Edi Rama ka publikuar një foto rrjetet sociale, ku duket se po zhvillon një mbledhje qeverie, para protestës që nis në orën 11:00.
Mbledhja, siç bënë me dije Rama, ka të bëjë me miratimin e një pakete ndihme. “Kryeministria – Paketa e Rezistencës Sociale ndaj pasojave të krizës globale energjetike si edhe të luftës në Ukrainë mbi çmimet po merr formë përfundimtare”, shkruan ai në një postim në rrjetet sociale.
Ende nuk ka detaje se çfarë përmban paketa. Një ditë më parë, Rama deklaroi se paketa do ti vijnë në ndihmë shtresave më vulnerabël, duke përmendur kategori si fermerët si dhe personat që marrin ndihmë ekonomike.
