Sekretari i Përgjithshëm i LSI, Endrit Braimllari, ka publikuar në rrjete sociale një video nga momenti kur policia shoqëron me forcë gra e vajza të cilat morën pjesë në protestën kundër rritjes së çmimeve.
Braimllari shprehet se Policia e Shtetit po përdoret politikisht duke vepruar në mënyrë çnjerëzore.
“Policia e Shtetit në kundërshtim me ligjin po përdoret politikisht duke shoqëruar në mënyrë ç’njerëzore gratë dhe vajzat e reja të cilat morën pjesë në një protestë paqësore.
Edi Rama po përdor çdo mekanizëm për të goditur protestën qytetare.
Oligarkët, kartelet e kontrabandës së naftës janë bërë njësh me Kryeministrin duke dhunuar gratë, nënat të cilët protestojnë për rritjen e çmimeve.
Qeveria Rama peng e karteleve të naftës dhe e grupeve kriminale. Qytetarët në mëshirë të fatit”, shprehet ai.
