Policia e Tiranës në një deklaratë të fundit sqaron se nuk ka pasur asnjë ngjarje në kryeqytet, ku persona të armatosur te kenë qëlluar me armë në zonën e quajtur “Misto Mame”.
Sipas policisë uniformat kanë qenë në terren dhe nuk kanë konstatuar një gjë të tillë.
Deklaratë
Në lidhje me një lajm të publikuar në portale për të shtëna me armë zjarri në një lokal në Misto Mame, ju sqarojmë se lajmi është i pavërtetë.
Më datë 10.03.2022, rreth orës 17:40, në sallën operative ka ardhur një telefonatë për të shtëna me armë zjarri. Shërbimet e Policisë kanë shkuar menjëherë në adresën e dhënë dhe nga verifikimet e kryera, ka rezultuar se nuk ka pasur të shtëna me armë.
Në vendin ku është pretenduar se ka pasur të shtëna, ka pasur dhe punonjës të Policisë Rrugore të planizuar me shërbim, të cilët nuk kanë konstatuar një gjë të tillë.
Drejtoria Vendore e Policisë Tiranë kërkon mirëkuptimin e mediave për të mos përhapur panik, por para se të publikojë lajme të kërkojnë informacion pranë DVP Tiranë.
