Forcat zjarrfikëse protestuan mesditën e sotme para Kuvendit, ku kanë kërkuar rishikim të kushteve të punës si dhe pajisje të reja.
“I bëj thirrje kryetarëve të bashkisë që të shikojnë sektorin e zjarrfikëse nuk kanë kushtet e punës. Nuk kemi pajisje, nuk i duam për vetë por i duam për njerëzit, se i kanë me taksat e tyre. Duam kushtet e punës dhe të shtohen pajisjet. Ka shumë kohë që nuk na trajtojnë në mënyrë të njëjtë. Është një ministria e Brendshme që është përgjegjëse për institucionin tonë. Maksimumi 55 mijë lekë merr zjarrfikësi me 25 vite punë, ndërsa rroga fillestare është 36 mijë lekë. Të zbatohet ligji”, u shpreh kreu i Sindikatës, Bledar Bajrami.
Më herët, para Kuvendit protestuan dhe banorët e zonave, banesat e të cilëve preken nga projekti i Unazës së Madhe.
Ditën e djeshme, u protestua para kryeministrisë për rritjen e çmimeve.
Protesta për çmimet janë zhvilluar po ashtu dje dhe sot në Durrës, Shkodër e Kukës.
