Skënderbeu ka zgjedhur trajnerin e ri pas largimit të Migen Memellit. Korçarët kanë firmosur me Skënder Gegën, teknikun që ka dalë kampion me Partizanin dhe ka drejtuar në Superiore edhe Kukësin.
“Tekniku Skënder Gega është zyrtarisht trajner i Skënderbeut. Presidenti Ardjan Takaj ka arritur marrëveshjen e bashkëpunimit me trajnerin e mirënjohur.
Gega do të vendoset menjëherë në shërbim të ekipit dhe prej nesër pas prezantimit me ekipin do të nisë përgatitjet për takimin e radhës ndaj Laçit në transfertë! Mirë se vjen Skënder Gega”, njofton klubi korçar.
