Këngëtarja Besa Kokëdhima ka konfirmuar se do të jetë pasditen e sotme përballë Kryeministrisë për të protestuar kundër rritjes së çmimeve.
Në një postim në Facebook, Kokëdhima kërkon që bashkë me të, të shkojnë edhe qytetarë të tjerë. Referuar deklaratës së Ballukut, këngëtarja u kërkon qytetarëve që të marrin kalin e gomarin e të dalin në shesh, duke qenë se janë këshilluar që të mos përdorin makina.
Për sa kohë do mbajë shqiptari, për sa kohë do përtypë propagandën e pranojë çdo lloj prapësie e padrejtësie, për sa kohë do lërë opozitën le* e li, kështu do veprojnë me çmimet e gjithçka tjetër. Taksë mbi taksë e konçension mbi ppp. Si gjithnjë në mbështetje të çdo kauze që kam vlerësuar të drejtë, do jem në shesh ora 17.00. Kush dëshiron të marrë biçikletën/kalin/gomarin e vet e të vijë në shesh meqë na kanë këshilluar të mos përdorim makina.
