Një lajm aspak i mirë për bosin e PSG, Nasser Al-Khelaifi. Gjyqi i famshëm në Bellinzona u zhvillua sot ku u mbajt seanca dëgjimore e gjyqit të apelit, ku marrin pjesë të akuzuarit Al-Khelaifi, aktualisht presidenti i ECA-s dhe PSG-së, dhe ish-sekretari i përgjithshëm i FIFA-s, Jerome Valcke.
Ata akuzohen për korrupsion për të cilën u shpallën të pafajshëm në shkallë të parë dhe nuk ka të bëjë me rolet futbollistike të Al-Khelaifi, por për caktimin e të drejtave televizive të Kupës së Botës 2026 dhe 2030 për beIN Media Group, president i të cilit është pikërisht Al-Khelaifi.
Ky skandal u quajt FIFAGate pasi Al-Khelaifi korruptoi numrin 2 të FIFA-s duke i blerë një vile 5.5 mln Euro në Itali në mënyrë që FIFA t’i jepte të drejtat e transmetimit të Botërorit 2026-2030 kompanisë së tij.
Por sot, asnjë hap prapa nuk pati nga akuza që përkundrazi përsëriti kërkesën për dënim të rëndë si për Al-Khelaifi ashtu edhe për Valcke. Pas katër orësh aktakuzë, Prokurori Publik kërkoi respektivisht “dënim me burg” prej 28 muajsh. për presidentin e PSG-së dhe një denim prej 35 muajsh për ish-menaxherin e FIFA-s, pa pezullim të pjesshëm.
