Lehtësohen masat anti-covid edhe në burgje, sa i përket takimeve të personave qv vuajnë dënimin me familjarët.
Nisur nga numrat në ulje dhe niveli i lartë i imunizimit, përvojës së fituar dhe situatës aktuale në një kohë kur në asnjë IEVP nuk ka të prekur, Drejtoria e Përgjithshme e Burgjeve i ka propozuar Ministrit të Drejtësisë, Ulsi Manja lehtësimin e kufizimeve për parandalimin e përhapjes së pandemisë.
Mes propozimeve të miratuara nga Ministri i Drejtësisë janë edhe: Për gratë që po vuajnë dënimin dhe të miturit lejohen katër takime në muaj.
Për të burgosurit e martuar, apo që bashkëjetojnë sipas Kodit të Familjes lejohet një takim i zgjatur në muaj.
