Deputeti Ervin Salianji ishte një nga ligjvënësit demokratë, i cili në mbledhjen e djeshme të Grupit Parlamentar, ka kërkuar nga Lulzim Basha që të dorëhiqej.
Pavarësisht se konsiderohej si një nga mbështetësit kryesorë të Bashës në rradhët e deputetëve, Salianji duket se nuk ka gëlltitur rezultatin e zgjedhjeve të 6 marsit, ku nga 6 Bashki, në 5 prej tyre kandidatët e Lulzim Bashës renditeshin të tretët, disa mijëra vota në pak se ato që mbështeteshin nga ish-Kryeministri Sali Berisha.
Duke replikuar me Bashën, Salianji u shpreh se rezultati ishte katastrofik dhe se dëmi i shkaktuar opozitarizmit në Shqipëri është i madh, madje vuajtjet e cdo demokrati janë sot në ekstrem.
“Secili prej nesh duhet të ketë vetëm këtë në mendje në ushtrimin e veprimtatise publike, si të mbrojmë interesat më të mira për Partinë Demokratike dhe demokratët. Nëse votuesit e opozites braktisin votimin dhe nuk dalin në masë në votime jemi para faktit që nuk jemi para krizës strukturore dhe reformimit por para krizës së besimit.
Kriza e besimit do akt dhe vendimmarje. Se nese ju thoni që cfaredo që të bëjmë ne gjithsesi humbim, pse duhet të humbim dhe fytyrën?”, ka deklaruar Salianji.
