Shoqata e Transportit Publik ka dalë sot në një komunikim për mediat duke kërkuar që të dyfishohet çmimi i biletës, për shkak të rritjes së naftës në ditët e fundit.
Një prej përfaqësuesve të kësaj shoqate tha se operatorët nuk kanë mundësi për t’iu shërbyer qytetarëve ndërsa sot ata po punojnë me flotën e përgjysmuar.
Ata thanë se nëse nuk rritet çmimi i biletës, do të mbyllet shërbimi i transportit publik.
“Operatorët nuk janë në gjendje të operojnë me 100% të kapacitet, secili operator ka vendosur të me 20, 30, 70% të kapacitetit, edhe nafta është rritur, asnjë nga operatorët nuk ka kapacitet financiar, nëse vazhdojmë kështu kapitullimi i transportit do të jetë për 3-4 ditë maksimalisht.
Edhe hekurudha shqiptare ndërpreu shërbimin për shkak të rritjes së çmimit të naftës, ne konkretizuam pikat që na duhet që të shpëtojmë nga kjo krizë, rritja e çmimit të biletës, çdo çmim tjetër është rritur, çmimi për të të përballuar këtë krizë është llogaritur diku te 80 lekë për biletë një përdorimshsme, kur ka qenë Rama dhe Basha në krye të bashkisë çmimi ishte përllogaritur në 50%”, tha përfaqësuesi i Shoqatës së Transporteve.
“Rritja vjen në vijim të mungesës së plotë nga organet përgjegjëse të një ndihme konkrete, nuk e kishim kërkuar rritjen e çmimit të biletës, por kjo është zgjidhja për shmangur falimentimin, nëse çmimi nuk do rritet do të shkojmë drejt mbylljes totale të shërbimit”, tha përfaqësuesi i shoqatës.
