Deputeti demokrat Tomor Alizoti ka propozuar që të zhvillohet një garë e re brenda partisë demokratike për të rrëzuar kreun e PD Lulzim Basha.
Nga studioja e “Radarit Informativ”, Alizoti tha PD duhet të hyjë në ideologji për të shpëtuar vendin.
“Nëse Berisha ka shumicë të bëjë një garë në PD dhe ta lërë garën të funksionojë pa konkurruar vetë ai. Berisha mendoj se ka vlera në PD, por PD duhet të gjejë ndryshimin maksimal për të shpëtuar Shqipërinë nga autoriteti i Ramës. Pd duhet të hyjë në ideologji”, tha ai.
Sipas Alizotit, nëse Basha nuk largohet, kjo do të ishte tragjedi.
“U shokova kur dëgjova që tha nuk ka humbur asnjë garë, kjo kalon në kufijtë e çmendurisë. Partia e tij ka dalë e treta. PD nga ana historike e rrezikonte mazhorancën. Unë mendoj se nuk duhet të kalojë asnjë minutë, Basha duhet të tërhiqet”, tha Alizoti.
Sa i përket deklaratës së Bashës i cili tha se nuk njeh asnjë humbje, Alizoti tha se kreu i PD nuk jeton me realitetin.
“U shokova kur dëgjova deklaratën e tij se ai nuk njeh humbje. Ky njeri sikur vjen nga Kozmosi. Ai duhet të largohen menjëherë’, deklaroi Alizoti.
