Alina Kavaeva, e dashura e Vladimir Putin dyshohet se fshihet në një shtëpi private në Zvicër së bashku me katër fëmijët e tyre të vegjël. Gjimnastja, fituese e medaljes së artë në Lojërat Olimpike, raportohet se ka 4 fëmijë me Presidentin Putin.
38 vjeçarja dhe Putin mendohet se kanë 2 djem dhe dy vajza binjake 7-vjeçare, të cilët kanë pasaportë zvicerane. “Teksa Putin vret njerëz të pafajshëm në Ukrainë, familja e tij është strehuar në një shtëpi private dhe të sigurt në Zvicër”, tha një burim për Page Six.
Romanca mes atletes dhe presidentit rus u përfol për herë të parë në vitin 2008. Në vitin 2015 raportohet se ishte shtatzënë me liderin rus. Kabaeva ka marrë 2 medalje olimpike, 14 medalje të Kampionatit Botëror dhe 25 medalje të Kampionatit Evropian duke përfaqësuar Rusinë.
Presidenti rus nuk e ka konfirmuar kurrë këtë marrëdhënie, megjithatë, dhe kur ai u pyet në lidhje me të, Putin thjesht u përgjigj se “gjithçka është në rregull”.
