Zekirija Ramadani, trajneri i Egnatias, mendo se skuadra e tij nuk ai doli të merrte pikë për dy arsye, Duke folur për “SuperSport” pas sfidës, ai theksoi se e para ishte euforia e tepërt. Ndërsa e dyta kishte të bënte me gjykimin e ndeshjes, duke akuzuar hapur gjyqtarin se ndikoi në fatin e sfidës.
“Nuk shkoi që gjatë javës u kam thënë futbollistëve në seancë që e shihja ekipin që e ka mbërthyer pak euforia se bëmë tre ndeshje pa humbje dhe ndoshta nuk e menaxhuam siç duhet. Është faj edhe i yni për menaxhimin e euforisë, që mendoj se është problemi kryesor, pastaj në pjesën e dytë u kthyem pak në realitet, siç ishim më përpara. Por nuk mjafton vetëm një pjesë. Nuk dua të flas asnjëherë por prapë dua të mbroj interesin tonë. Ne kishim dy fytyra, por edhe arbitri ishte me dy fytyra, acaroi skuadrën në pjesën e parë me shumë ndërprerje e faulle. Nuk e them për justifikim, por duhet të jenë më korrekt se është fundi dhe çdo dëm që i bëhet çdo skuadre pa marrë parasysh kush është, mund të ketë shumë pasoja.
Në pjesën e dytë me pak fat mund të merrnim një pikë, sidomos me episodin në fushë. Por mendoj se ndoshta ndikoi edhe gabimi i arbitrit në rezultat për prekje me dorë, që ishte penallti e pastër. Por është në plan të dytë, plani i parë është se ne jemi fajtorë dhe të shohim nga vetja e të shohim gabimet tona.
Prekja e Jazxhi? Nuk kam çfarë të gjykoj, nëse i jepet penallti Kastriotit me Lilën me dorën pas shpine, këtë nuk di çfarë të them.
Pedro ka qenë egoist, por egoizimi është sulmues dhe është normal. Do e shohim, do e korrigjojmë, besoj se nga ndeshja e ardhshëm do të jetë ndryshe se kthehet edhe Magani. Nuk kishim alternativë se ndoshta Pedro në minutat e fundit duhej të zëvendësohej.
Ndoshta ndikoi euforia, kjo humbja si vendas ndaj Teutës mund të na kushtojë tepër, por nëse nxjerrim mësim nga kjo humbje, që nga ndeshja e radhës do të kemi përmirësime”, tha Ramadani.
