Sali Berisha reagoi në rrjetet sociale pas deklaratës së kreut të PD, Lulzim Basha për rezultatin paraprak të zgjedhjeve të pjesshme lokale, ku subjekti që ai drejton doli forcë e tretë në 5 prej 6 bashkive ku u votua.
Sipas Berishës, Lulzim Basha është i vetmi njeri në glob që del i treti dhe deklaron se nuk ka humbur asnjë garë.
Postimin e tij, ish-kryeministri e shoqëron dhe me videon e Bashës ku deklaron se nuk ka humbur asnjë garë.
Në një prononcim më me herët për gazetarët, Basha la të kupthej se nuk do të japë dorëheqjen edhe pas humbjes së këtyre zgjedhjeve. “Jam përballur me masakra zgjedhore, por unë nuk kam humbur asnjë garë në jetën time. Lufta ime nuk është për fatin tim personal, por për shqiptarët”, tha Basha.
