Beteja e armatosur në Ukrainë vijon këtë të Shtunë në ditën e saj të dhjetë.
Në një raportim të fundit, media ukrainase “Ukrainska Pravda” informon mbi ngjarjet kryesore nga froni i luftës:
Forcat kryesore ruse janë të përqendruara në rrethimin e qyteteve: Kiev, Kharkiv, Mykolayiv dhe hyrjen në kufijtë administrativë në rajonet Luhansk dhe Donetsk.
Po tentohet krijimi i një korridori tokësor nga Krimea e pushtuar, por trupat ruse gradualisht po humbasin potencialin sulmues.
Udhëheqja e Bjellorusisë po forcon kufirin shtetëror me Ukrainën. Sipas Shtabit të Përgjithshëm të Ukrainës, njësitë bjelloruse të gatshme për luftim janë ende në anën e kundërt të kufirit, të gatshme për tu hedhur në ofensivë.
Në rajonin e Kievit, trupat ruse qëlluan një makinë – dy persona mbetën të vdekur dhe katër u plagosën.
Rusët vazhdojnë të sulmojnë rrugët nga qytetet ku ishin planifikuar të evakuohen civilët sipas marrëveshjes me palën ruse: në Volnovakha dhe Mariupol.
Avionët rusë vazhdojnë të bombardojnë Kharkivin, përfshirë qendrën e qytetit.
Njësitë e Forcave të Armatosura të Ukrainës nisën një kundërofensivë pranë Kharkiv.
Në zonën e Nikolaevit, forcat ukrainase rrëzuan tre helikopterë të rusëve.
