Kryeministri Edi Rama ka zbardhur një pjesë të bisedës audio me Presidentin e Ukrainës Zelensky.
“Sot pata një telefonatë nga Presidenti Zelensky, i cili më falenderoi për gjithçka Shqipëria po bën në këto ditë tragjike për popullin e tij, për Europën e për mbarë botën, duke nisur nga roli ynë si bashkëpenëmbajtës me SHBA në Këshillin e Sigurimit, tek ndihmat e dhëna për ushtrinë ukrainase, si edhe angazhimi intensiv në kanalet diplomatike me partnerë të rëndësishëm, në mbështetje të Ukrainës. I shpreha presidentit ukrainas të gjithë admirimin dhe solidaritetin e popullit shqiptar në Shqipëri e në Kosovë, me të dhe rezistencën ukrainase, si edhe vullnetin e plotë për të bërë gjithçka mundemi në përmasën tonë të vogël, që Ukraina të triumfojë në luftën e saj liridashëse”, shkruan Rama në një postim në faqen e tij në FB, ku ka postuar dhe një pjesë të bisedës me Presidentin ukrainas.
Më herët, Zelensky reagoi për bisedën me një postim në Twitter.
Zelensky telefonatë me Edi Ramën/ Presidenti ukrainas zbardh diskutimin
