Një operacion antidrogë në Itali ka dërguar në pranga 4 shqiptarë, ndërsa janë sekuestruar 6 kilogramë kokainë, 2 kilogramë marijuanë dhe 200 gramë hashash.
Burime nga policia thanë se aksioni është zhvilluar në katër qytete të Italisë në Forli, Cesena, Rimini dhe Ravena, shkruan SYRI.net.
Një pjesë e drogës është gjetur në fundin e dyfishtë të një makine, ndërsa pjesa tjetër e drogës është gjetur e fshehur në banesën ku rrinin shqiptarët.
Vlera e përgjithshme e saj shkonte në treg në më shumë se 1 milionë euro.
Policia tha se kishte bërë hetimi, përgjime, vëzhgime e shumë ndjekje me qëllim që të siguronte prova për të arrestuarit, duke i filmuar nëpër takime dhe shitje të lëndëve narkotike.
Të arrestuarit mësohet se nuk bënin asnjë punë, por jetesa e tyre e shtrenjtë kishte bërë që policia të niste hetimet ndaj tyre.
