Ish-kryeministri Sali Berisha, në fjalën e mbajtur para qytetarëve në Velipojë, në prezantimin e kandidatit për Shtëpinë e Lirisë për Bashkinë e Shkodrës, Bardh Spahia, foli për zgjedhjet e 6 marsit.
Berisha theksoi se Basha është humbës, duke shtuar se ai edhe Bashkinë e Tiranës donte që të dorëzonte.
“Lul Brava e sheh fitoren vetëm me dylbi, është i dobët. Basha është lider i dobët dhe lider të dobët nuk do askush. Basha është thjesht humbës, edhe Bashkinë e Tiranës donte ta dorëzonte. Basha është humbës i lindur. Nuk e dorëzoi Sali Berisha Bashkinë e Tiranës, sepse donte të numëronte çdo votë, jo për t’ja marrë kujt. Kandidati i Lul Bravës vetëm opozitë e vërtetë nuk është. Uroj që asnjë njeri mos të ketë fatin e Bravës, të bashkohen me ne, çdo demokrat është i mirëpritur. Të mobilizohemi me të gjitha forcat dhe t’ju japim kandidatëve tanë mbështetje, sepse janë kandidatët që bëjnë betejë për pluralizmin e shqiptarëve. Më 6 mars të firmosim ndryshimin. Të fitojë PD dhe opozita e vërtetë, të fitojnë më 6 mars qytetarët shqiptarë”, deklaroi Berisha.
