Pas humbjes befasuese 2-3 të pësuar në shtëpi kundër Tottenham javën e kaluar, Manchester City është kthyer te fitorja në kampionat. Skuadra e Pep Guardiola-s ka mundur 1-0 Everton-in dhe kryeson renditjen me një avantazh prej 6 pikësh ndaj Liverpool-it, që ka një ndeshje më pak.
Heroi i ndeshjes për Qytetarët ka qenë Phil Foden. 21-vjeçari ka përfituar nga një pakujdesi e mbrojtjes vendase në minutën e 82-të dhe ka realizuar golin që ka vendosur takimin.
Tri minuta më mbrapa ka ardhur episodi që pritet të shkaktojë shumë polemika në ditët në vazhdim. Mesfushori i City-t, Rodri, ka prekur me dorë një top në zonën e rreptësisë, por prekja nuk është konsideruar një faull nga arbitri.
