Jorida Tabaku, gjatë një takimi elektoral në Shkodër, në mbështetje të kandidatit Xhemal Bushati, i cili garon për kryebashkiak në siglën e PD, u ka bërë thirrje shkodranëve që me 6 mars të zgjedhin njeriun.
“Është shumë e rëndësishme që Shkodrës t’i kthehet ajo bukuria, ai shkëlqim që ka patur gjithmonë, është shumë e rëndësishme që Shkodra të ketë këtë pamje që keni ju sot, e të vazhdojë të jetë ajo pika blu tek harta e kuqe që zemra jonë e demokratëve të vazhdojë të rrahë dhe t’i japim një shpresë të gjithë Shqipërisë që si e theu Shkodra do ta thejmë ne nesër”, tha Tabaku.
Në vijim ajo u shpreh se dora e saj është e shtrirë ndaj demokratëve, socialistëve dhe atyre pa parti, që kur të votojnë me 6 mars, të zgjedhin njeriun, të mendojnë për veten dhe familjen e tyre.
