Ministria e Jashtme kineze njoftoi të enjten se Moska nuk ka nevojë për mbështetjen e Pekinit për sulmin e tij ushtarak ndaj Ukrainës.
“Sa i përket sugjerimit të SHBA-së se Rusia ka mbështetjen e Kinës për të vepruar, besoj se Rusia do të jetë shumë e pakënaqur të dëgjojë një deklaratë të tillë”, tha zëdhënësja e ministrisë Hua Chunying për mediat gjatë një konference të rregullt për shtyp.
Hua tha se Rusia është një fuqi e pavarur dhe një anëtare e përhershme e Këshillit të Sigurimit të OKB-së. Ajo pretendoi se veprimi i Moskës bazohet tërësisht në gjykimin e saj dhe interesat kombëtare.
Ajo theksoi se marrëdhëniet kino-ruse bazohen në mos-angazhimin, moskonfrontimin dhe mosshënjestrimin e palëve të treta.
Kina nuk është e interesuar dhe nuk ka ndërmend të ndjekë mentalitetin e Luftës së Ftohtë as të mikut, as të armikut, shtoi ajo.
Zëdhënësja shtoi se Kina dhe Rusia duhet të forcojnë komunikimin dhe koordinimin strategjik dhe të ruajnë me vendosmëri sistemin në të cilin Kombet e Bashkuara luajnë një rol thelbësor koordinues në çështjet ndërkombëtare.
Hua nuk iu referua agresionit të Rusisë si një pushtim, raporton agjencia ruse e lajmeve “RT”.
