Modelja Beniada Nishani është një nga personazhet që i ka dhënë shumë shtëpisë së Big Brother VIP përgjatë katër muajve. Ajo i bëri të gjithë për vete me sensin e humorit, çiltërsinë e po ashtu edhe me të folurën karakteristike, duke qenë se nuk e njihte mirë gjuhën shqipe.
E ftuar së fundmi në “Pardon My French” me Jonida Aliçkollin dhe Elona Duron, modelja ka folur mbi rrugëtimin e veçantë dhe eksperiencën e paharrueshme në BBV.
Beniada u shpreh se ky Big Brother ka qenë eksperienca më e bukur e jetës së saj dhe tregoi se i mungojnë kërcimet, momentet e bukura, surprizat dhe shumë e shumë të tjera.
Në lidhje me çmimin prej 10 mijë eurosh që fitoi si një nga katër finalistët, Beniada zbuloi se do ta investojë mirë për diçka në karrierën e saj.
“Kam qejf të hap një ‘Capsule Collection’, diçka për veshjen për lingerie. Është shumë e rëndësishme çfarë kemi poshtë veshjes”, u shpreh Beni.
