Kryeministri Edi Rama disa herë ka ngatërruar Jorida Tabakun me Jozefina Topallin, duke iu drejtuar kryetares së Komisionit Hetimor si zonja Topalli. Më pas Rama kërkonte ndjesë dhe kjo u interpretua si pjesë e batutave që ai bënte në Komision. Në një moment edhe Tabaku, duke iu drejtuar Ramës i tha “zoti Koka” dhe kjo u duk si një kthim përgjigjeje ndaj batutave të Kryeministrit.
Bazuar te batutat, ish-Kryeparlamentarja Jozefina Topalli, ka reaguar me një postim në rrjetin social, ku shprehet se nëse do të ishte ajo nuk do të kishte histori me inceneratorë.
“Zoti dëshmitar,
Po të ishte zonja Topalli s’ do të kishte pasur as histori me inceneratorë!
Do kishte patur opozitë reale e jo lb!”, shkruan Topalli.
