Ka ndërruar jetë 21-vjeçari Savjo Dhimojani, i cili mbeti i plagosur paraditen e sotme në një aksident në Rradhimë.
Ai ishte pasagjer në automjetin që drejtohej nga Ari Canaj i cili ndodhet gjithashtu në spital në gjendje të rëndë.
Aksidenti ka ndodhur në aksin rrugor Vlorë – Orikum, në afërsi të fshatit Radhimë, ku automjeti tip “Ford” ka humbur kontrollin dhe është përplasur me një shtyllë betoni.
Drejtuesi Ari Canaj raportohet se ditën e djeshme kishte festuar ditëlindjen, ndërsa prej 10 ditësh ishte kthyer nga Gjermania.
