Një person është arrestuar lidhur me ngjarjen e ndodhur më 12 janar 2022 në fshatin Vinjollë të Lezhës ku 3 persona të maskuar, me anë të dhunës, kanë marrë 150.000 lekë të rinj në banesën e shtetasit A.L..
Ndërkohë, në kërkim janë shpallur në 2 persona të tjerë.
Policia e Lezhës njoftoi se “bazuar në provat dhe informacionet e grumbulluara, janë identifikuar si autorë të dyshuar shtetasit Egli Durma, 21 vjeç, banues në Krujë, i ndaluar gjatë operacionit, si dhe shtetasit Islam Kabil, 30 vjeç, banues në Krujë dhe Gilmando Bami, 22 vjeç, banues në Krujë, të cilët u shpallën në kërkim dhe punohet për kapjen e tyre”.
Sipas të njëjtave burime, gjatë kontrollit të banesës së Egli Durmas, janë gjetur dhe sekuestruar në cilësinë e provës materiale disa veshje të cilat dyshohen të jenë përdorur nga ky shtetas gjatë kryerjes së veprës penale.
Vijon puna hetimore pasi dyshohet se këta shtetas kanë kryer një sërë vjedhjesh të tjera, ndërsa materialet procedurale iu referuan Prokurorisë së Rrethit Gjyqësor Kurbin, për veprime të mëtejshme hetimore, për veprën penale “Vjedhja me dhunë” kryer në bashkëpunim”, thuhet më tej në njoftimin e policisë.
