Pasi siguroi vendin e dytë në ndeshjet eliminatore të Botërorit duke i marrë dy fitore Shqipërisë që e çuan në fazën playoff, Polonia duhet të përballet në një ndeshje direkte me Rusinë.
Sipas shortit, ndeshja playoff do të luhet në Moskë por Polonia kërkon që kjo ndeshje të spostohet dhe të zhvillohet në një fushë neutrale.
Fillimisht ishte Ministria e Sporteve të Polonisë që kërkoi ndryshimin e vendit ku do të luhet dueli playoff ndërsa sot edhe Federata e Futbollit të këtij vendi ka bërë një kërkesë në FIFA.
Për shkak të situatës së krijuar mes Rusisë dhe Ukrainës, Federata Polake kërkon siguri për një ndeshje të tillë e gjithashtu ia ka bërë të qartë FIFA-s që duke u vendosur sanksione ndaj Federatës Ruse, kjo ndeshje të mos luhet në Moskë por në një stadium tjetër që duhet vendosur./oranews
