Tensione të forta janë krijuar mëngjesin e sotëm në zonën e 5 Majit në Tiranë, midis banorëve që do t’u shemben shtëpitë dhe forcave të rendit që kanë shkuar për të mundësuar punën e fadromave të IKMT-së.
Në distancë nga efektivët e komisariateve, janë vendosur forcat e FNSH-së, të cilat do të ndërhyjnë me sa duket në rast se precipitohet situata.
Në krye të përplasjes janë rreshtuar gratë dhe vajzat, që kërkojnë të mos u preken shtëpitë. Gratë dhe vajzat, banore të zonës vazhdojnë të rrinë lidhur krah më krah përpara kordonit policor për të penguar shembjen e banesave të tjera dhe mos lejuar që situata të agravojë.
Banorët e kësaj rruge nuk janë kundër shembjes së banesave dhe zhvillimit të qytetit, por ata kërkojnë dëmshpërblim për shtëpitë e tyre që i ndërtuan vite më parë dhe nuk ua kanë legalizuar.
Nga raportimet mësohet se sot janë plafinikuar të shemben 12 banesa, megjithëse një pjesë e konsiderueshme e tyre janë të legalizuara.
v
