Kur duhej vazhdimësi për të treguar se është rival serioz për titullin, Milani bën një paraqitje të shëmtuar duke barazuar 2-2 në transfertën me Salernitanën.
Një ndeshje që duhej fituar patjetër dhe që kuqezinjtë e ndërlikuan vetë pasi menjëherë kaluan në avantazh me Messias në 5’ por në 29’ vendasit me një aksion shumë të bukur e ndoshta dhe të favorizuar nga një gafë e Maignan barazojnë me Bonazzolin.
Pjesa e dytë nis vrullshem për skuadrën e Piolit që hidhet përpara por duke lënë hapësira ndëshkohet në 72’ sërish në një aksion nga krahët teksa Duriç ngre në peshë vendasit me golin e avantazhit.
Goli zgjat 5 minuta pasi Rebiç barazon në 77’ teksa ndeshja më pas shumë emocionuese dhe drithëruese por rezultati mbetet 2-2. Një zhgënjim për Milanin që mund të parakalohet menjëherë nga Interi të Dielën.
