Një kontroll për persona në kërkim dhe sende të kundraligjshme u ndërmor mbrëmjen e djeshme në ambiente dhe lokale nate në Durrës.
Sipas policisë u kontrolluan 7 lokale nate, kryesisht tallava, ku u shoqëruan 10 balerina dhe 12 shtetas të tjerë për verifikim, si dhe u sekuestrua kokainë dhe lekë të falsifikuara. Tre janë nën hetim dhe një person është arrestuar.
“Në gjendje të lirë janë proceduar:
• L.Gj. 37 vjeç, banues në Tiranë, për veprën penale”Prodhimi dhe shitja e narkotikëve”;
• D.V. 24 vjeç, banues në Durrës, pronari i lokalit, për veprën penale “Përshtatja e lokalit për përdorim droge”;
• B.K. 23 vjeç, banues në Durrës, për veprën penale “Përshtatja e lokalit për përdorim droge””, bën me dije policia.
Policia thotë se proçedimi penal ndaj shtetasve të mësipërm filloi pasi: Gjatë kontrollit të ushtruar në lokalin e natës, në pronësi të shtetasit D.V. dhe kamarier shtetasi B.K. u gjet dhe sekuestrua(në një pjatë), në cilësinë e provës materiale: • një sasi lënde narkotike e dyshuar e llojit Kokainë.
Sakaq në lidhje me ngjarjen e mësipërme u shoqëruan 7 shtetas për verifikim dhe pas veprimeve hetimore të kryera, u ngarkuan me përgjegjësi penale 3 shtetasit e lartpërmendur.
Po ashtu specialistët e Seksionit Kundër Krimit Ekonomik dhe Financiar arrestuan në flagrancë shtetasin: Ermir Paci 18 vjeç, banues në Durrës, për veprën penale”Falsifikimi i monedhave”.
Gjatë kontrollit personal i’u gjetën dhe sekuestruan në cilësinë e provës materiale kartmonedha të dyshuara të falsifikuara, tha policia.
