Historia e një gruaje nga Rubiku, e martuar me një biznesmen nga Tetova, ka përlotur dhe shokuar publikun e “E Diela Shqiptare”.
Gruaja e besimit të krishterë rrëfeu se kishte prishur një fejesë me shkuesi më parë dhe pranoi për shkak të mentalitetit që të martohej me biznesmenin shqiptar në Tetovë. Por sipas saj martesa me biznesmenin u kthye në ferr.
Ajo rrëfen se në fillim të martesës u detyrua të mbulohet se kështu e donte feja e burrit.
“Pranova se ne shqiptarët e Shqipërisë jemi tolerantë. Për hatër të fesë së burrit pranova të mbulohesha”, thotë ajo.
Madje ajo tregon se bashkëshorti i saj kishte qenë më parë i martuar, por ishte ndarë se nuk lindte dot fëmijë.
Por më pas ai ribashkohet edhe e sjell gruan e parë në shtëpi. “E thërrisnim njëra¬tjetrën ortake”, thotë ajo.
Gruaja rrëfen se lindi vajza dhe: “Herën e tretë më ka marrë nga materniteti një shitëse e butiqeve që ai kishte. Nuk më erdhën të më shihnin fare. Madje vjehrra më tha se të morëm nga Shqipëria dhe nuk na dhe një djalë”, tha ajo me lot në sy në emision.