Trageti i linjës Greqi-Itali, ‘Euroferry Olympia’ është përfshirë nga flakët në orët e para të mëngjesit të sotëm, ndërsa raportohet për 11 persona të zhdukur.
Ministri i Mbrojtjes, Niko Peleshi ka bërë me dije se operacioni për fikjen e zjarrit po kryet tashmë në ujërat territoriale shqiptare.
“Dy anijet të Forcës Detare shqiptare i janë bashkuar përpjekjeve për shuarjen zjarrit në tragetin e linjës Brindizi-Gumenicë të përfshirë nga flakët mbrëmjen e djeshme në det. Fillimisht zjarri ka rënë jashtë ujërave tona territorial, por tashmë operacioni po kryhet në ujërat tona territorial, 5 milje larg Porto Palermos. Në operacionin që po drejtohet nga pala greke janë angazhuar edhe anijet e Forcës sonë Detare, Butrinti dhe ajo patrulluese R-117. Më herët pasagjerët dhe pjesëtarët e ekuipazhit janë evakuuar nga anija”, shkruan Peleshi në një postim në rrjetet sociale, ku ka shpërndarë dhe pamje nga aksioni për fikjen e zjarrit.
