Ministria e Infrastrukturës dhe Energjisë e drejtuar nga Belinda Balluku nuk ka dijeni lidhur me ndryshimin e pronarëve të inceneratorit të Fierit, edhe pse në bazë të ligjit dhe kontratës duhej miratim nga Ministria.
Kjo u pohua nga Sekretarja e MIE, Viola Haxhiademi, gjatë dëshmisë së dhënë në Komisionin Hetimor.
Sipas kryetares së Komisionit hetimor, Jorida Tabaku, ndryshimet e pronarëve në këtë incenerator kanë ndodhur me datën 14 shkurt, ndërkohë që çdo ndryshim duhej firmosur dhe miratuar nga Ministria e Infrastrukturës dhe Energjisë. Por zyrtarja e lartë e institucionit pohoi se nuk ka asnjë kërkesë lidhur me këtë çështje.
Jorida Tabaku: Detyra e autoritetit kontraktues është gjithmonë njoftimi në rast të ndryshimit të pronësisë të kontratës koncensionare. Në koncesionin përkatës, të cilin edhe po flasim, ka ndodhur dy herë ndryshimi i pronësisë. Në rastin e inceneratorit të Fierit, kompania italiane që ka marrë pronësinë, ia ka shitur asaj një javë më pas njoftimit të fituesit për kontratën koncencionare kompanisë ndërtim-montim Patos. Në dijeninë tuaj a ka një njoftim për transferimin e aksioneve dhe pronësisë?
MIE: Nuk kam dijeni për këtë, ka ndodhur përpara. E kam dëgjuar si fakt.
Jorida Tabaku: Po për ndryshimin e aksioneve që ka ndodhur në Datën 14.02.2022 dhe është regjistruar?
MIE: Jeni duke folur tre ditë përpara, 14.02.2022.
Jorida Tabaku: Në datën 14.02.2022 është bërë një ndryshim i aksioneve në qendrën e biznesit në emër të kompanive të regjistruara ku janë shfaqur tre aksionerë italianë. Qëllim i këtij komisioni është të kuptojë kush janë investitorët fundorë. A keni dhënë një miratim paraprak për ndryshimin e aksionerëve nga një kompani tek tjetra?
MIE: Jo!
Jorida Tabaku: Nuk keni dhënë asnjë ndryshim?
MIE: Jo!
Jorida Tabaku: Nuk ka asnjë miratim ndryshimi?
MIE: Jo! Nuk ka asnjë kërkesë për ndryshim të aksionerëve.
Jorida Tabaku: Atëherë nuk është në dijeninë tuaj se si ka ndryshuar aksionerët e kompanisë pak ditë më parë?
MIE: Jo!
Ja çfare parashikon ligji
Neni 32
Transferimi i kontratës së koncesionit/partneritetit publik privat
1. Në përputhje me dispozitat e këtij neni, me pëlqimin paraprak me shkrim nga autoriteti kontraktues, kontrata e koncesionit/partneritetit publik privat mund të transferohet te një person i tretë, që përmbush kërkesat e përshtatshmërisë, të përcaktuara në dokumentacionin e tenderit, në bazë të të cilit kontrata ishte dhënë fillimisht, përveçse nëse këto kërkesa u referohen kushteve që nuk janë më të nevojshme për përmbushjen e kontratës, për shkak të faktit se këto detyrime dhe kërkesa të përmendura janë tashmë duke u konsumuar ose duke u realizuar nga koncesionari/partneri privat i mëparshëm.
