Kylian Mbappe ishte heroi i PSG, me golin e shënuar në minutën e 94-ët, i dhuroi ekipit të tij një bonus me shumë për të siguruar një biletë për në fazën çerekfinale. Sigurisht interesimi i mediave ishte i madh edhe në lidhje me të ardhmen e tij, ku kryefjalë është mundësia për të vijuar karrierën tek Real Madrid:
“Bëhen shumë pyetje tani, Real Madrid është një klub i madh, por unë jam pjesë e PSG. Do të jap gjithçka për këtë klub, e tregova në këtë sfidë, do ta tregoj edhe ndeshjen e kthimit. Duhet të ishim gati për këtë sfidë, një ndeshje që të gjithë dëshirojnë ta luajnë. Goli? Kisha besim që do të shënoja. Messi? Janë gjëra që ndodhin në futboll”, u shpreh ndër të tjera Mbappe.
Carlo Aancelotti nuk e fsheh zhgënjimin për ketë humbje të pësuar, mbi të gjitha në atë formë, me një gol në minutën e 94-ët: “Paraqitja nuk ishte e mirë, por në ndeshjen e kthimit do të jetë një tjetër histori. Ata e merituan fitoren, Mbappe mund të krijojë raste në çdo moment. Më vjen keq, mund të bënim më mirë. Tani duhet të bëjmë një tjetër ndeshje, duhet të kemi tjetër intensitet, me ose pa top”, u shpreh Ancelotti në konferencë për shtyp./Balkanweb
