Kosova ka regjistruar tri humbje jete dhe 508 raste të reja me koronavirus nga 4,320 testime, bëri të ditur Ministria e Shëndetësisë këtë të Mërkurë.
Në raportin e MSH-së, që i referohet të dhënave të 24 orëve të fundit, thuhet se edhe 1,281 pacientë janë shëruar nga koronavirusi.
Ndërkaq, numri i rasteve aktive është 8,685.
Në 24 orët e fundit, janë administruar 1,278 doza të vaksinës kundër koronavirusit.
Deri më tani, 811,804 qytetarë janë vaksinuar me dy doza.
