Futbollistët e Manchester Cityt në fillim të ndeshjes ndaj Sportingut në Lisbonë treguan se i intereson vetëm një fitore që do t’i hapte derën e çerekfinaleve të Champions League dhe qe llogaria duhet mbyllur qe ne Portugali!
Pas 32 minutash lojë, skuadra e Pep Guardiola-s ka tre gola epërsi. Për më tepër, mysafirët nga Anglia treguan një lojë të shkëlqyer dhe me meritë kryesuan.
Tashmë në minutën e shtatë Riyad Mahrez shënoi pas një asistimi të Kevin de Bruyne dhe një situatë konfuze.
Goli u anulua, por u njoh pas sinjalizimit të VAR-it pasi nuk kishte pozicion jashtë loje.
Në minutën e 17-të një gol spektakolar. Pas goditjes nga këndi, topi u ngrit dhjetë metra lart dhe duke rene, Bernardo Silva u fut në shpejtesi dhe goditi fort dhe perfekt, duke shkundur rrjetën portugeze me një veprim spektakolar.
Ndërkohë shifrat i trefishoi Foden në minutën e 32-të duke vulosur praktikisht fitoren.
