Kryetarja e LSI, Monika Kryemadhi është shprehur se 1.8 milionë dollarë nga taksat e shqiptarëve janë përdorur për bileta avioni në kohën kur e gjithë bota ishte e mbyllur për shkak të pandemisë.
Në një postim që ka bërë në rrjetet sociale, Kryemadhi shtuan se paratë e shqiptarëve kanë shkuar për fluturimet e administratës së incineratorëve.
Sipas saj kjo është arsyeja që Edi Rama nuk i ndalon pagesat e kostove të fryra të inceneratorëve të Tiranës dhe Fierit.
Postimi i plotë:
Administrata e incineratorëve më shumë në ajër se në tokë!
1.8 milionë dollarë nga taksat e shqiptarëve janë përdorur për bileta avioni, edhe në pikun e pandemisë kur bota ishte e mbyllur!
Kjo është arsyeja pse Rama nuk i ndalon pagesat e kostove SHUMË të fryra të inceneratorëve të Tiranës dhe Fierit!
Ndiqni paranë, aty fle lepuri i korrupsionit të qeverisë!
