I riu shqiptar Roxhers Demirazi i cili kërkohet nga shteti grek si i dyshuar për vrasjen e 19-vjeçarit Alkis Kampanos është vetëdorëzuar në polici.
20-vjeçari është vetëdorëzuar në policinë e Korçës, aty edhe ku dyshohej se ishte fshehur.
Demirazi dyshohet se hyri në Shqipëri në mënyrë legale nga pika kufitare e Kapshticës në datën 2 Shkurt, disa orë pas ngjarjes.
Për vrasjen me thikë të 19-vjeçarit Alkis Kampanos pas ndeshjes mes AEK-PAOK janë arrestuar 9 persona të moshës 19-23 vjeç, mes të cilëve 3 shqiptarë. Ata e kanë mohuar krimin në gjykatë dhe sipas medieve fqinje deri më tani i akuzuari kryesor është një 21-vjeçar.
