Sulmet e djeshme në Bruksel kanë prekur thellë zemrat e njerëzve në mbarë botën, e cila është në zi për viktimat e shpërthimeve në aeroportin Zaventem dhe metronë Maelbeek.
Natën e kaluar këngëtarja Adele ngushëlloi qytetarët e Brukselit.
E rrethuar nga atmosfera e krijuar nga dritat e telefonave celularë të publikut në ”O2 Arena” në Londër, artistja këndoi “Make you feel my love”shkruar nga Bob Dylan dhe dedikuar në këtë rast të gjitha viktimave të sulmeve.
Pas performancës, Adele bëri një reflektim personal mbi masakrën e djeshme në mëngjes, duke folur kundër terroristëve pa kursyer as fyerjet:
“Ne jemi të gjithë këtu për të njëjtën arsye, për shkak se ju dëshironi të më dëgjoni duke kënduar dhe unë jam këtu të këndoj për ju, kështu që ne të gjithë jemi të bashkuar. Ne të gjithë jemi njerëz më të mirë se ata bastardët! Shkofshi të gjithë në djall!”, ishin fjalët e këngëtares, teksa fjalimi u pasua me duartrokitje të shfrenuara nga publiku. Videoja është hedhur menjëherë në web, duke u bërë simbol i solidaritetit dhe mbështetjes së të gjithë botës për popullin e Brukselit.
Adele shpërthen në koncert kundër terroristëve: “Bastardë, shkofshi të gjithë në djall” (Video)
Lajme të lidhura
TË GJITHA
