Teuta është gjysmëfinalistja e parë e Kupës së Shqipërisë. Skuadra e drejtuar nga Renato Arapi ka mundur me rezultatin minimal 1-0 Skënderbeun dhe ka prerë biletën për në katërshen e më të mirëve të këtij turneu.
Durrsakët vinin të qetë në këtë takim pasi kishin fituar 1-0 duelin e parë, rezultat që e përsëritën edhe sot.
Teuta kaloi në avantazh që në minutën e 8’ me një penallti të realizuar nga Hebaj, gol që i dha shumë qetësi ekipit të Arapit që menaxhoi mirë ndeshjen.
Në pjesën e dytë ishte Skënderbeu që rriti presionin dhe në 63’ arritën të barazonin me Shehin por VAR e anulon për pozicion të parregullt.
Ka protesta por gjithsesi Skënderbeu tenton gjithçka pa ia arritur dhe në fund është Teuta që pret biletën si ekipi i parë gjysmëfinalist i Kupës së Shqipërisë.
