Gjykata e Fierit ka dhënë masën e sigurisë “arrest me burg” për Petrit Manajn, i cili dyshohet se vrau një ditë më parë bashkëshorten e tij, Valdete Manaj, ngjarje e ndodhur në lagjen “Sheq i Madh”.
Manaj u arrestua një ditë më parë nga policia pasi nga hetimet rezultoi se gruaja ishte vrarë dhe jo vetëvrarë siç u raportua fillimisht në sallën operative prej vëllait të tij polic.
Valdete Manaj u vra mëngjesin e djeshëm me disa goditje thike në gjoks nga bashkëshorti i saj, i cili pasi kreu krimin e rëndë ka shkuar në një lokal për të ngrënë bukë. A
Pasi është kthyer në banesë, aika pretenduar se kishte gjetur të vrarë gruan e tij dhe për këtë të parin ka njoftuar vëllanë e tij që e kishte polic në Fier. Ashtu siç e kishte njoftuar vëllai i tij, polici kishte raportuar në sallë se kunata i kishte vrarë veten.
Por pas marrjes në pyetje policia ka dyshuar dhe më pas ka zbuluar se Valdete Manaj nuk vrau veten por u masakrua me thikë nga bashkëshorti i saj.
