Fifi ka zyrtarizuar lidhjen e dashurisë me Adis Patushin. Teksa ishte në një lokal duke performuar, të pranishmit kanë kërkuar një puthje mes çiftit. Ata të dy nuk kanë nguruar që të japin një puthje në publik dhe fansat menjëherë kanë bërë video, të cilat më pas i kanë postuar në rrjetet sociale dhe janë bërë shumë virale.
Granit Cana ka diçka për të thënë në lidhje me këtë romancë. Ish-banori i “Big Brother” ka tërhequr vëmendjen me postimin në “Instastory” ku shkruan: “Kush është fals ose real, tani duket shumë qartë”.
Statusi në fjalë duket si një reagim për lidhjen e Fifit, pasi kur ishin në “BBV” dukej se mes Fifit dhe Granitit do niste një lidhje, por Graniti e ndërpreu pasi tha se dashuron dikë jashtë. Fifi e përjetoi keq atë situatë dhe Graniti u kritikua nga fansat.
Më vonë edhe Fifi zbuloi se do dikë jashtë, por nuk pranoi të zbulonte emër.
