Kosova ka regjistruar tetë viktima dhe 754 raste të reja me koronavirus, nga 3,879 testime, bëri të ditur Ministria e Shëndetësisë (MSH).
Në raportin që i referohet të dhënave të 24 orëve paraprake, MSH-ja tha se janë shëruar edhe 3,900 pacientë.
Raste aktive me koronavirus janë 23,823.
Ndërkaq, sa i përket vaksinimit, autoritetet shëndetësore kanë administruar 146 doza të vaksinës kundër koronavirusit. Deri më tani, 808,792 persona janë imunizuar me dy doza të vaksinës, ndërkaq, në total janë administruar mbi 1.7 miliona doza.
